|
|
ԱՇԱԿԵՐՏ
 -ԱՇԱԿԵՐՏ
Սիրելի դպրոցականներ Ձեր ուշադրությանն ենք ներկայացնում ֆինանսական ոլորտի վերաբերյալ նկարազարդ և շարժական նյութեր.- սլայդ շոուներ,
- տրամաբանական խաղեր` խաչբառեր, թաքնված բառեր,
- ֆինանսական տերմինների և բացատրությունների նկարազարդ և համառոտ էլեկտրոնային բառարան:
Սլայդ շոուները ներկայացված են ըստ առանձին թեմաների, որոնք պարունակում են տեքստեր, շարժական և անշարժ նկարներ, ինչպես նաև թեստեր և հարցեր, որոնց կարող եք միանգամից պատասխանել և նույն պահին էլ ստանալ արդյունքները` արդյոք Ձեր պատասխանը ճիշտ է, թե ոչ: Սլայդ շոուները պարունակում են ակտիվացված նշաններ, որոնցով կարող եք առաջ կամ հետ գնալ, փոխել բաժինը կամ վերսկսել նորից: Սլայդ շոուները վերաբերում են հետևյալ թեմաներին: - Կենցաղային հաշվարկներ. նպատակն է աշակերտների մոտ բարձրացնել առօրյա կյանքում հաճախ օգտագործվող մաթեմատիկական, ֆինանսական հաշվարկներ կատարելու ունակությունները:
- Ֆինանսական կազմակերպություններ. ներկայացված է, թե ինչ է ֆինանսական կազմակերպությունը, ինչպիսի ֆինանսական կազմակերպություններ կան, ինչպես նաև ֆինանսական կազմակերպությունների կողմից մատուցվող հիմնական ծառայությունների բնույթը և օգտակարությունը:
- Տոկոսներին և փոխարժեքներ. ներկայացված է, թե ինչպես են օգտագործում տոկոսները ֆինանսական հաշվարկներ կատարելիս, և թե ինչպես ճշգրիտ հաշվարկել տոկոսային տատանումները` բարձրացումներն ու իջեցումները:
- Բանկային հաշիվներ. տեղեկացնում է, թե ինչ է բանկային հաշիվը, ինչպես բացել բանկային հաշիվ և թե ինչպես ավելի շահավետ օգտագործել այն:
- Վճարային քարտեր. տեղեկացնում է վճարային քարտի մասին, առկա վճարային քարտի տեսակների և դրանց անվտանգ օգտագործման մասին:
Վարկեր. ներկայացված է վարկի էության, տեսակների մասին, ինչպես նաև վարկերի տրամադրման պայմանները: 
- Խնայողություններ և ներդրումներ. ևս մեկ անգամ հիշեցնում է Ձեզ այն մասին, թե ինչքան կարևոր է խնայելը և ներդրում կատարելը, ինչպես նաև ներկայացվում է, թե ինչպես խնայել և որտեղ ներդնել:
 3-7. Խնայողություններ և ներդրումներ.pps- Ապահովագրություն. ներկայացված է ապահովագրության էության և ապահովագրության տեսակների մասին:
- Իրավունքների պաշտպանություն. ներկայացված է Ֆինանսական համակարգի հաշտարարի և ընդհանուր իրավասության դատարանի գործունեության և օգտակարության մասին:
- Բյուջեի պլանավորում, որի նպատակը Ձեզ մի քանի սկզբունքներ և խորհուրդներ փոխնացելն է, մասնավորապես այն մասին, թե ինչպես պլանավորել և հսկել Ձեր ծախսերը, որպեսզի Դուք ունակ լինեք կառավարել Ձեր բյուջեն և խուսափեք հնարավոր անհարմարություններից և յուրաքանչյուր ամսվա վերջին ի հայտ եկող մտահոգություններից:
Տրամաբանական խաղերը բաղկացած են խաչբառերից և թաքնված բառերից, որոնց նպատակն է Ձեզ մոտ բարձրացնել ֆինանսական տերմինների իմացության և կիրառության մակարդակը:
Ֆինանսական տերմինների և բացատրությունների նկարազարդ և համառոտ էլեկտրոնային բառարանը պարունակում է 90 բառ, որոնք հնարավորություն կտան Ձեզ ավելի լավ հասկանալ ֆինանսական շուկայում օգտագործվող և երբեմն Ձեզ անհասկանալի թվացող տերմինները: Սույն բառարանի սկզբունքը շատ պարզ է. մեկ բառ, մեկ կիրառելի նախադասություն, մեկ բացատրություն և մեկ համապատասխան պատկեր:
|
|
