Շատ շուտով դպրոցականների ֆինանսական կրթման նպատակով կթողարկվեն և նրանց կբաժանվեն նկարազարդ CD-եր (խտասկավառակներ):
CD-երը պարունակելու են ֆինանսատնտեսագիտական թեմաներով շարժական և նկարազարդ նյութեր (սլայդ շոուներ), տրամաբանական խաղեր (խաչբառեր, թաքնված բառեր), ինչպես նաև ֆինանսական ամենագործածելի տերմինների նկարազարդ և համառոտ էլեկտրոնային բառարան: CD-երում լինելու են տասը սլայդ շոուներ, որոնք վերաբերվելու են ամենօրյա կենցաղային հաշվարկներին, ֆինանսական և կազմակերպությունների տեսակներին և նրանց կողմից մատուցվող ծառայություններին, տոկոսներին, փոխարժեքներին, բանկային հաշիվներին, վճարային քարտերին, խնայողություններն և ներդրումներին, ապահովագրությանը, իրավունքների պաշտպանությանը, բյուջեի պլանավորմանը:
Սլայդ շոուները ներկայացված են ըստ առանձին թեմաների, որոնք պարունակում են տեքստեր, շարժական և անշարժ նկարներ, ինչպես նաև թեստեր և հարցեր, որոնց կարող եք միանգամից պատասխանել և նույն պահին էլ ստանալ արդյունքները (ճիշտ է արդյոք Ձեր պատասխանը, թե ոչ):
Ի դեպ, CD-երի նյութերը ամբողջությամբ կտեղադրվեն նաև մեր կայքի համապատասխան բաժիններում, և դպրոցականները կարող են դրանց ծանոթանալ նաև կայքի միջոցով:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռ/ֆաքս. 56 37 61 կամ մեր համարներից 010 592 697, 010 592 698
էլ-փոստ. կամ մեր`
www.abcfinance.am