Բարձրացել են Ավանդների Հատուցումը Երաշխավորող Հիմնադրամի կողմից ավանդների հատուցման սահմանաչափերը` սահմանվելով 4 մլն դրամ ազգային արժույթով ավանդների համար եւ 2 մլն դրամ` արտարժույթով ավանդների համար …
2010թ. հունիսին ՀՀ ԱԺ-ն ընդունել է «Ֆիզիկական անձանց բանկային ավանդների հատուցումը երաշխավորելու մասին» օրենքի փոփոխությունները: Փոփոխությունների համաձայն ՀՀ դրամով բանկային ավանդների հատուցման չափը սահմանված է 4 մլն դրամի (նախկին 2 մլն դրամի փոխարեն), իսկ արտարժույթով ավանդների հատուցման չափը` 2 մլն դրամի (նախկին 1 մլն դրամի փոխարեն) սահմաններում:
Հատուցման են ենթակա ինչպես բանկային ավանդները, այնպես էլ ֆիզիկական անձանց եւ անհատ ձեռնարկատերերի` ՀՀ բոլոր առեւտրային բանկերում ձեւակերպված հաշվարկային եւ ընթացիկ հաշիվներում առկա միջոցները:
Երաշխավորված ավանդների նոր չափը (4 մլն դրամ ազգային արժույթով ավանդների համար եւ 2 մլն դրամ արտարժույթով ավանդների համար) տարածվում է բոլոր ավանդատուների վրա` անկախ այն հանգամանքից ավանդը ձևակերպված է եղել օրենսդրական փոփոխությունների ընդունումից առաջ, թե հետո:
Եթե ավանդատուն ունի ավանդներ Հայաստանի մի քանի բանկերում, ապա ավանդատուի ավանդները Հիմնադրամը երաշխավորվում է յուրաքանչյուր բանկում առանձին - առանձին:
Հատուցման դեպք է համարվում բանկն անվճարունակ կամ սնանկ ճանաչելը:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռ/ֆաքս. 56 37 61 կամ մեր համարներից 010 592 697, 010 592 698 էլ-փոստ. կամ մեր`
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։