Սույն թվականի հունվարից սկսվել է ՀՀ բանկային համակարգի միջոցով կենսաթոշակների անկանխիկ եղանակով վճարմանը գործընթացը...
Այսուհետ կենսաթոշակառուները կարող են ստանալ իրենց կենսաթոշակները երկու եղանակով` կանխիկ և անկանխիկ: Ընդ որում, կենսաթոշակի վճարման եղանակը ընտրում է կենսաթոշակառուն` իր բնակության վայրի տարածքային բաժին դիմում ներկայացնելու միջոցով:
Կենսաթոշակառուն իրավունք ունի ցանկացած ժամանակ դիմելու
տարածքային բաժին` կենսաթոշակն ստանալու եղանակը կամ բանկը կամ
կազմակերպությունը փոխելու համար:
Կենսաթոշակն անկանխիկ եղանակով վճարումը կատարվում է կենսաթոշակի գումարը կենսաթոշակառուի բանկային հաշվին փոխանցելու միջոցով :
Կենսաթոշակառուն պետք է այցելի նախարարության հետ պայմանագիր կնքած բանկ և
բացի բանկային հաշիվ: Կենսաթոշակառուին տրամադրվում է վճարային քարտ, որի միջոցով նա կարող է կանխիկացնել իր բանկային հաշվին փոխանցված կենսաթոշակը:
Բանկային հաշվի բացումը, սպասարկումը, քարտերի
թողարկումն ու տրամադրումը անվճար է: Կենսաթոշակառուն ինքն է ընտրում բանկը, որի հետ ցանկանում է կնքել հաշվի բացման պայմանագիր :
Այնուհետև, կենսաթոշակառուն պետք է այցելի իր բնակության վայրի կենսաթոշակ նշանակող տարածքային բաժին և ներկայացնի համապատասխան դիմում` նշելով բանկի անվանումը և իր բանկային հաշվի համարը:
Ներկայումս կենսաթոշակառուները անկանխիկ եղանակով իրենց կենսաթոշակները կարող են ստանալ հետևյալ բանկերից`
«Պրոմեթեյբանկ» ՍՊԸ
«ԲՏԱ բանկ» ՓԲԸ
«Զարգացման Հայկական Բանկ» ԲԲԸ
«Կոնվերս բանկ» ՓԲԸ
«Ակբա-Կրեդիտ – Ագրիկոլ բանկ» ՓԲԸ
«Արցախբանկ» ՓԲԸ
«Առէկսիմբանկ-Գազպրոմբանկի խումբ» ՓԲԸ
«Յունիբանկ» ՓԲԸ
«Արդշինինվեստբանկ» ՓԲԸ
«Մելլաթբանկ» ՓԲԸ
«Հայբիզնեսբանկ» ՓԲԸ
«Արարատբանկ» ԲԲԸ
«ՎՏԲ-Հայաստան բանկ» ՓԲԸ
«Հայէկոնոմբանկ» ԲԲԸ
Եթե կենսաթոշակառուն ընտրում է կենսաթոշակը կանխիկ եղանակով ստանալու եղանակը, ապա նա կարող է ստանալ իր կենսաթոշակը հետևյալ ոչ բանկ վճարահաշվարկային կազմակերպությունների միջոցով`
«Ադալև Ռիա» ՍՊԸ
«Ի-դրամ» ՍՊԸ
«Կվադրակոմ» ՍՊԸ
«Դեպի տուն» ՍՊԸ
«Մեգա Պանտերա» ՍՊԸ
«Հայփոստ» ՓԲԸ
Կենսաթոշակների վճարման կանխիկ եղանակն ընտրած կենսաթոշակառուի կենսաթոշակը վճարվելու է կենսաթոշակի գումարը կենսաթոշակառուի բնակության վայրի հասցեում կամ վճարող կազմակերպության գրասենյակում առձեռն կենսաթոշակառուին տրամադրելու միջոցով:
Վճարային քարտի մասին մանրամասն կարող եք իմանալ այցելելով մեր կայքի ՎՃԱՐԱՅԻՆ ՔԱՐՏԻ ՄԱՍԻՆ էջը կամ դիմեք ՏԵՍԱՖԻԼՄԵՐ բաժնում տեղակայված «Վճարային քարտի մասին ֆիլմը»:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։