Հայտարարություն «Բանկային և ապահովագրական առօրյա» խորագրով ֆոտոմրցույթ հայտարարելու վերաբերյալ...
Հայաստանի Ֆինանսական համակարգի հաշտարարի գրասենյակը «Սպառողների ֆինանսական կրթության/ իրազեկվածության բարձրացման ծրագրի» շրջանակներում «Հայ Լուսանկարիչներ» ազգային ասոցիացիայի հետ համատեղ հայտարարում է «Բանկային և ապահովագրական առօրյա» խորագրով ֆոտոմրցույթ:
Մրցույթին կարող են մասնակցել բոլորը առանց տարիքային սահմանափակման:
Լուսանկարները ընդունվում են թվային ֆորմատով, առանց քանակի սահմանափակման:
Լուսանկարները պետք է լինեն առնվազն 300 կետ խտության: Ընդունվում են միայն օրիգինալ ֆայլեր, ֆայլի ինֆորմացիոն տվյալների առկայությամբ:
Photoshop-ի օգտագործում չի թույլատրվում: Չեն ընդունվում նախկինում տպագրված և ցուցադրված աշխատանքներ:
Մրցույթը բաղկացած է լինելու 2 փուլից.
Մրցույթին մասնակից աշխատանքների ընտրություն
Ցուցահանդեսի ժամանակ հաղթողների ընտրություն
Սահմանված է երեք մրցանակային տեղ.
1-ին տեղ` 100.000 ՀՀ դրամ
2-րդ տեղ` 50.000 ՀՀ դրամ
3-րդ տեղ` 50.000 ՀՀ դրամ
Լինելու են նաև խրախուսական մրցանակներ, և «Հայ Լուսանկարիչներ» ազգային ասոցիացիայի կողմից հանձնվելու են պատվոգրեր:
Մասնակցության հայտը պետք է նաև ներառի կարճ ինքնակենսագրություն, որում պարտադիր պետք է նշվի` ԱԱՀ, ծննդյան տարեթիվը, կրթությունը և աշխատանքի վայրը(առկայության դեպքում) և ուղարկվի էլ. հասցեով:
Աշխատանքների ընդունման սկիզբ – 10.06.2011թ.
Աշխատանքների ընդունման ավարտ – 15.09.2011թ. մինչև ժամը 15:00
Բոլոր տպագրական և էքսպոզիցիոն ծախսերը հոգում են կազմակերպիչները: Մրցույթին մասնակցած բոլոր լուսանկարները մնում են կազմակերպիչների մոտ:
Մանրամասների համար կարող եք զանգահարել 58 23 21 հեռախոսահամարով:
Պատասխանատու` Տաթևիկ Ավետիսյան
Հաղորդագրությունից օգտվելու դեպքում հղումը սկզբնաղբյուրին պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։