Այսօր, Էլիտ Պլազա բիզնես համալիրում, անցկացվել է ավագ դպրոցի
տնտեսագիտություն առարկայի շրջանակներում կազմակերպվող «Դպրոցականների ֆինանսա-տնտեսագիտական
Brain-Ring» ամենամյա մրցույթի 2014թ. եզրափակիչ փուլը։ «Հայաստանի պատանեկան
նվաճումներ» կազմակերպության կրթական ծրագրերի շրջանակում անցկացվող «Դպրոցականների
ֆինանսա-տնտեսագիտական Brain-Ring 2014» մրցույթի նպատակը աշակերտների տնտեսագիտական
և ֆինանսական գիտելիքների և հմտությունների խորացմանը, արագ և ճկուն մտածելու կարողությանը նպաստելն է։
Արդեն 5-րդ տարին է, ինչ «Դպրոցականների ֆինանսա-տնտեսագիտական
Brain-Ring» մրցույթի եզրափակիչ փուլն անց է կացվում ՀՀ կենտրոնական բանկի, «Հայաստանի պատանեկան նվաճումներ» կազմակերպության և ԱՄՆ Միջազգային Զարգացման Գործակալության
(USAID) համատեղ նախաձեռնությամբ:
Մրցույթի նախնական փուլերն անցկացվել էին տարեսկզբին՝ Հայաստանի
մարզերում, որոնց մասնակցել էին Հասարակագիտություն
առարկայի Տնտեսագիտություն բաժինն ուսումնասիրած 10-րդ դասարանի աշակերտները: Մրցույթի
այդ փուլերին մասնակցել են շուրջ 500 աշակերտներ` ավելի քան 100 դպրոցներից: Յուրաքանչյուր մարզից եզրափակիչ փուլին մասնակցելու համար ընտրվել է 5 հոգանոց մեկ հաղթող թիմ:
Մարզերի հաղթող այդ 11 թիմերը ապրիլի 30-ին մասնակցեցին
հանրապետական
կիսաեզրափակիչ
և
եզրափակիչ
փուլերին, որոնց ընթացքում ՀՀ կենտրոնական բանկի կողմից թիմերին առաջադրվեցին տնտեսագիտական և ֆինանսական խնդիրներ, վարժություններ, ինչպես նաև տեսական հարցեր: Մրցակցող թիմերի պատասխանները գնահատելիս ժյուրիի կողմից կարևորվում էր ոչ միայն ճիշտ պատասխանը, այլ նաև նորարարական
մտածողությունը և թիմային աշխատանքը:
Մրցույթի պատվավոր ժյուրիի կազմում էին ՀՀ կենտրոնական բանկի,
ՀՀ կրթության և գիտության նախարարության, «Հայաստանի պատանեկան նվաճումներ» կազմակերպության,
Ավանդների հատուցումը երաշխավորող հիմնադրամի, Ֆինանսական համակարգի հաշտարարի և ՆԱՍԴԱՔ
ՕԷՄԷՔՍ Արմենիայի ներկայացուցիչները:
Հաղթող թիմերը ճանաչվեցին՝
·
1-ին տեղ - Արարատի մարզի Տափերականի միջնակարգ դպրոցի թիմը
·
2-րդ տեղ - Գեղարքունիքի մարզի Ծովինարի միջնակարգ դպրոցի թիմը
·
3-րդ տեղ - Արմավիրի մարզի Էջմիածնի թիվ 5 դպրոցի թիմը
Հաղթող թիմերը պարգևատրվեցին ՀՀ կենտրոնական բանկի և «Հայաստանի պատանեկան նվաճումներ» կազմակերպության կողմից սահմանված հատուկ մրցանակներով և պատվոգրերով, իսկ մնացած թիմերին շնորհվեցին մասնակցության հավաստագրեր: Հատուկ մրցանակներ տրամադրվեցին նաև Ավանդների հատուցումը երաշխավորող հիմնադրամի, Ֆինանսական համակարգի հաշտարարի, Գերմանիայի խնայբանկերի միջազգային համագործակցության հիմնադրամի (SBFIC), ՆԱՍԴԱՔ ՕԷՄԷՔՍ Արմենիայի կողմից:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։