ՀՀ կենտրոնական բանկի կողմից անցկացվող «Իմ ֆինանսների միամսյակ» ծրագրի շրջանակում հոկտեմբերի 11-ին «Առէկսիմբանկ-Գազպրոմբանկի խումբ» ՓԲԸ-ի «Էրեբունի» մասնաճյուղի բակում տեղի է ունեցել «Խաղաղություն, աշխատանք, բանկ»
մանկական նկարչական մրցույթը:
Մրցույթին մասնակցել են բանկի աշխատակիցների 2-ից 14 տարեկան 30-ից ավելի երեխաներ:
Ավագ խմբում առաջին տեղը զբաղեցրել է Տիգրան Ղազարյանը՝ Մարտունի քաղաքից և տասնմեկամյա Արսեն Պետրոսյանը՝ Երեւանից:
«Ամենակարևորը` երեխաները գիտակցում են, որ աշխատանքը չի կարող լինել առանց խաղաղության և գրեթե բոլոր նկարներում պատկերված էին խաղաղության խորհրդանիշեր՝ աղավնի, արեգակ, ծիածան, երկինք, Հայաստանի դրոշն ու այն շենքը, որտեղ աշխատում են մայրիկն ու հայրիկը»,- նշել է բանկի Հասարակայնության հետ կապերի գծով գլխավոր տնօրենի խորհրդական Ելենա Մարկովան՝ հավելելով, որ նկարները կպահպանվեն բանկի՝ արդեն 17-ամյա պատմության համար: «Հնարավոր է նաև հրատարակենք գունագեղ օրացույցներ և դպրոցական օրագրեր մեր հրաշալի ու տաղանդավոր երեխաների վառ նկարներով»,- եզրափակել է Ե. Մարկովան:
Հրապարակումից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697, 010 592 698
էլ-փոստ.
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։