Ավելին
Այս տարվա նոյեմբերի 3-ից Կենտրոնական բանկի նախաձեռնությամբ ուսուցողական
միջոցառումներ են անցկացվում ՀՀ Պաշտպանության նախարարության Մոնթե Մելքոնյանի անվան
ռազմամարզական վարժարանի և Վազգեն Սարգսյանի անվան Ռազմական ինստիտուտի զինծառայողների
և սաների համար: ՀՀ ԿԲ Այցելուների կենտրոնում «Մեկ օր Կենտրոնական բանկում» խորագրի
ներքո անցկացվող այցը նպատակ ունի ապագա սպառող հանդիսացող բանակի ծառայողներին իրազեկ
դարձնել իրենց իրավունքներին ու պարտականություններին: Այցի առաջին մասում այցելուները
նախ ծանոթանում են ազգային դրամի պատմությանը, ԿԲ գործառույթներին եւ իրականացվող դրամավարկային
քաղաքականությանը, ինչպես նաեւ ֆինանսական համակարգի կայունության ապահովման հարցին:
Այցի երկրորդ մասում ՀՀ ԿԲ Սպառողների շահերի պաշտպանության եւ
ֆինանսական կրթման կենտրոնի ֆինանսական կրթման մասնագետները զինծառայողներին եւ սաներին
ծանոթացնում են ֆինանսական գործիքներին, դրանցից ճիշտ եւ գրագետ օգտվելուն: Ներկայացվում
է անձնական բյուջեի պլանավորման կարեւորությունը, որն օգնում է պատասխանատու որոշումների
կայացմանը: Անդրադարձ է լինում նաեւ վճարային քարտերին եւ դրանցից հնարավորինս ապահով
կերպով օգտվելու կանոններին: Այցելուները նաեւ իրազեկվում են այն համապատասխան կառույցների
մասին, որոնց պետք է դիմել ֆինանսական ծառայությունների հետ խնդիրների դեպքում:
Նշենք, որ ծրագրի շրջանակում 500-ից ավելի այցելուներ են եղել ՀՀ
Կենտրոնական բանկում: Ծրագիրը կրելու է շարունակական բնույթ:
Կամավորների գրանցումՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Մուտք իմ էջիմ էջի գրանցում
