Մարտի 16-ին նշվեց Փողի միջազգային շաբաթվա (Global Money Week) վերջին օրը:
Այդ օրը Մխիթար Սեբաստացի կրթահամալիրում անցկացվեց «Անձնական ֆինանսների ճիշտ կառավարում» թեմայով սեմինար,
որը դպրոցականներին ներկայացրեց ՀՀ կենտրոնական բանկի՝ սպառողների շահերի պաշտպանության
և ֆինանսական կրթման կենտրոնի մասնագետ Էլինա Բալոյանը:
Արդեն ավանդական դարձած հարցաթերթիկներով դպրոցականները ստուգեցին
իրենց նոր ստացած գիտելիքները, խոստացան կիրառել դրանք իրենց հետագա կյանքում:
Ուրախությունով նաև հայտնում ենք, որ Հայաստանում Փողի միջազգային շաբաթվա (Global Money Week)
միջոցառումները կշարունակվեն «Տնտեսական միամսյակ»
միջոցառման շրջանակում, կշարունակվեն ֆինանսական թեմաներով սեմինարները, բանավեճերը,
կկազմակերպվեն շարադրության և սոցիալական կամ կոմերցիոն գովազդի մրցույթները:
Միջոցառումների հետագա գրաֆիկին կարող եք ծանոթանալ այս հղումով՝ https://www.abcfinance.am/pages.php?al=news&pid=1&id=748&act=more&d=0&lang=am
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։