Հոկտեմբերի 18-ին ժամը
13:00-ին մինչև 16:00 Երևանի Շառլ Ազնավուրի անվան հրապարակում տեղի կունենա Աշակերտական
գործարար ընկերությունների տոնավաճառ:
Ավելի քան 40 ավագ դպրոցների աշակերտներ Երևանից և հանրապետության
բոլոր մարզերից կմասնակցեն տոնավաճառին, որտեզ կներկայացնեն իրենց կողմից ստեղծած արտադրանքները:
Վերջիններս ստեղծելու համար աշակերտները ինքնուրույն
կատարել են շուկայական հետազոտություն, գրել են բիզնես պլան, հիմնել ընկերություններ, թողարկել և վաճառել ընկերության
բաժնետոմսեր, և կազմակերպել ապրանքի կամ ծառայության արտադրություն:
Ծրագիրն աշակերտներին հնարավորություն է տվել ձեռք բերել կայուն
տնտեսագիտական գիտելիքներ, ինչպես նաև զարգացնել ֆինանսական և գործարար հմտությունները,
ծանոթանալ կորպորատիվ սոցիալական պատասխանատվության սկզբունքներին, վարժվել թիմային
աշխատանքին և դառնալ ավելի ինքնավստահ:
Տոնավաճառը իրականացնում է «Հայաստանի
պատանեկան նվաճումներ» կազմակերպությունը՝ JHM Charitable Foundation-ի և HSBC բանկի ֆինանսավորմամբ իրականացվող կրթական ծրագրի շրջանակում:
Հաղորդագրությունից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697
էլ-փոստ.
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։