ՀՀ կենտրոնական բանկը բոլոր մարզերից, Երևանից և Արցախից հավաքագրում է ֆինանսական կրթման թրեյներներ «Ֆինանսական կրթությունը գյուղական համայնքներում» և «Ֆինանսական կրթությունը դպրոցում» ծրագրերի համար:
Ծրագրի մասին ՀՀ բոլոր մարզերից, Երևանից և Արցախից ընտրված դիմորդները ֆինանսական կրթման թրեյներների վերապատրաստման դասընթացը հաջողությամբ ավարտելուց հետո պետք է իրականացնեն անձնական ֆինանսների կառավարման վերաբերյալ դասընթացներ իրենց մարզի ուսուցիչների և գյուղական համայնքների բնակիչների համար:
Թրեյներների հիմնական պարտականություններ
- բարձր որակով և ըստ սահմանված ժամանակացույցի իրականացնել դասընթացներ,
- պատշաճ կերպով և սահմանված ժամկետներում ներկայացնել դասընթացների վերաբերյալ հաշվետվություններ` ըստ սահմանված ձևաչափի,
- պարբերաբար թարմացնել գիտելիքները ՀՀ ֆինանսական համակարգի, գործող ծառայությունների և անձնական ֆինանսների այլ թեմաների վերաբերյալ` օգտվելով բոլոր հնարավոր աղբյուրներից և տրամադրված կրթական նյութերից:Ընտրության չափանիշներ
- ֆինանսական/տնտեսագիտական կրթություն (առնվազն բակալավրի աստիճան),
- նմանատիպ աշխատանքային փորձ,
- նոր գիտելիք ձեռք բերելու և փոխանցելու պատրաստակամություն,
- հաղորդակցման զարգացած հմտություններ,
- մարզային հասանելիություն և ճկունություն,
- ռուսերեն և անգլերեն լեզուների իմացությունը ցանկալի է:Յուրաքանչյուր մարզից ընտրվելու են սահմանափակ քանակությամբ թրեյներներ հայտադիմումի և հարցազրույզի արդյունքների հիման վրա:Թրեյներների վերապատրաստում
Հարցազրույցի փուլը հաջողությամբ անցած դիմորդները պարտադիր պետք է մասնակցեն թրեյներների վերապատրաստման 5-7-օրյա դասընթացի, որը հնարավորություն կտա նրանց զինվել անհրաժեշտ գիտելիքով և հմտություններով՝ հետագայում արդյունավետ և որակյալ դասընթաց իրականացնելու նպատակով: Վերապատրաստման դասընթացին մասնակցությունն անվճար է. տեղափոխման, գիշերակացի և սնունդի ծախսերը հոգում են կազմակերպիչները:Ժամկետ
• Թրեյներների վերապատրաստման դասընթաց – մարտ, 2018թ.
• Դասընթացներ – ապրիլ-նոյեմբեր, 2018թ.՝ ըստ սահմանված ժամանակացույցի:
Հնարավոր կլինի համատեղել հիմնական աշխատանքի հետ:Վարձատրություն
Վերապատրաստման դասընթացը հաջողությամբ ավարտած թրեյների հետ կնքվելու է պայմանագիր, որի համաձայն նա վարձատրվելու է գործարքային սկզբունքով յուրաքանչյուր իրականացված դասընթացի համար: Դասընթացները պետք է իրականացվեն 2018 թվականի ապրիլ-նոյեմբեր ամիսներին թրեյների մարզի տարբեր վայրերում տարբեր թիրախային խմբերի համար՝ ըստ սահմանված ժամանակացույցի:Դիմելու կարգ և դիմումների ընդունելության վերջնաժամկետ
Եթե ցանկանում եք դառնալ ֆինանսական կրթման թրեյներ, խնդրում ենք մինչև սույն թվականի փետրվարի 12-ը ուղարկել լրացված հայտադիմումը էլ. hասցեով՝ նամակին կցելով նաև Ձեր ինքնակենսագրությունը (CV):
Հարցերի կամ լրացուցիչ տեղեկատվության համար կարող եք դիմել նաև 010 592 697 հեռախոսահամարով:
Հայտադիմումը հարկավոր է լրացնել և ուղարկել էլեկտրոնային եղանակով՝ Ֆինանսական կրթման թրեյներ - Հայտադիմում:
Ֆինանսական կրթման թրեյներների հավաքագրման հայտարարության PDF տարբերակը:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։