Ո՞ւմ համար է Միջոցառումները նախատեսված են անհատների որոշակի խմբերի, սոցիալապես անապահով ընտանիքների, գյուղական համայնքների բնակիչների, անհատ ձեռներեցների, փոքր և միջին ձեռնարկատիրությամբ զբաղվող տնտեսվարողների համար:
Ո՞րն է նպատակը
Ֆինանսական օգնություն տրամադրել անհատների որոշակի խմբերի:
Ֆինանսական օգնություն տրամադրել սոցիալապես անապահով ընտանիքներին:
Օժանդակել գյուղական համայնքների բնակիչների գյուղատնտեսական գործունեությանը:
Օժանդակել տնտեսվարողների բիզնես գործունեությանը:
Նպաստել աշխատատեղերի ստեղծմանն ու պահպանմանը:
Որտեղի՞ց ստանալ լրացուցիչ տեղեկատվություն
Հաճախ առաջանում են կորոնավիրուսի տնտեսական հետևանքների չեզոքացման ծրագրերի հետ կապված խնդիրներ և հարցեր: Այդ պատճառով առաջարկում ենք հետևել միջոցառման նկարագրության հետ տրամադրվող հղմանը և ուշադիր ուսումնասիրել միջոցառման մանրամասները:
Կարող եք հետեւել նաեւ մեր կայքում տեղադրվող նորություններին եւ օգտակար նյութերին, որոնք կնպաստեն անձնական ֆինանսների արդյունավետ կառավարմանը նաեւ համաճարակի ժամանակ։
Միջոցառումներ
1-ին միջոցառում. բիզնես վարկեր ընկերությունների համար
- Օժանդակության ձևը՝ մինչև 500 մլն. Դրամի չափով վարկի համաֆինանսավորում, վերաֆինանսավորում և սուբսիդավորում. վարկերի առավելագույն փաստացի տարեկան տոկոսադրույքը՝ 0%-ից մինչև 6%
- Թարմացում՝ այս միջոցառման որոշման և վարկերի տրամադրման պայմանների մեջ կատարվել են մի շարք փոփոխություններ:
- 2020թ. մայիսի 12-ին հաստատված որոշման ուժի մեջ մտնելու պահից մինչ այդ գործող որոշման պայմաններով սուբսիդավորման օժանդակության ձևով վարկերի տրամադրումը դադարում է:
- Համաֆինանսավորման և վերաֆինանսավորման օժանդակության ձևով վարկերի տրամադրումը շարունակվում է մինչև 2020թ. մայիսի 31-ը ներառյալ, որից հետո դադարում է: Ընդ որում՝ մինչև նոր որոշման ուժի մեջ մտնելը տրամադրված և սույն կետով նշված վարկերի սպասարկումը շարունակում է իրականացվել միևնույն պայմաններով:
- Մինչև նոր որոշման ուժի մեջ մտնելու պահը նախորդ որոշման հիման վրա վարկեր ստացած տնտեսավարողները չեն կարող օգտվել նոր որոշմամբ սահմանված միջոցառումից:
- Մանրամասներ՝ Սեղմիր Այստեղ
2-րդ միջոցառում. գյուղատնտեսական վարկեր անհատների և կոոպերատիվների համար
- Օժանդակության ձևը՝վարկի/լիզինգի մայր գումարի մարման արտոնյալ պայմանների տրամադրում, համաֆինանսավորում, տոկոսադրույքների ամբողջական մարում:
- Մանրամասներ՝ Սեղմիր Այստեղ
3-րդ միջոցառում. փոքր և միջին ձեռնարկատիրության սուբյեկտ հանդիսացող տնտեսվարողներ
- Օժանդակության ձևը՝ մինչև 50 մլն դրամի չափով վարկի՝ 1-ին 2 տարվա տոկոսադրույքի մարում. տոկոսադրույքը 3-րդ տարում՝ 12%:
- Մանրամասներ՝ Սեղմիր Այստեղ
- Դիմումի լրացման ուղեցույց՝ Սեղմիր Այստեղ
- Գրանցում՝ Սեղմիր Այստեղ
4-րդ միջոցառում. մինչև 14 տարեկան երեխաների՝ աշխատանքից ազատված ծնողներ
- Օժանդակության ձևը՝ 100.000 դրամի չափով դրամաշնորհի տրամադրում:
- Մանրամասներ և ծրագրում ընդգրկված լինելու փաստի ստուգում՝ Սեղմիր Այստեղ
6-րդ միջոցառում. պայմանագրային աշխատողներ
- Օժանդակության ձևը՝ 68.000 դրամի չափով դրամաշնորհի տրամադրում:
- Մանրամասներ՝ և ծրագրում ընդգրկված լինելու փաստի ստուգում՝ Սեղմիր Այստեղ
7-րդ միջոցառում. վարձու աշխատող չհանդիսացող հղի կանայք
- Օժանդակության ձևը՝ 100.000 դրամի չափով դրամաշնորհի տրամադրում:
- Մանրամասներ և ծրագրում ընդգրկված լինելու փաստի ստուգում՝ Սեղմիր Այստեղ
8-րդ միջոցառում. տուժած ոլորտների վարձու աշխատողներ, քաղաքացիաիրավական պայմանագրով աշխատողներ և անհատ ձեռնարկատերեր
- Օժանդակության ձևը՝ մինչև 136.000 դրամի չափով դրամաշնորհի տրամադրում:
- Մանրամասներ և գրանցում՝ Սեղմիր Այստեղ
9-րդ միջոցառում. մինչև 18 տարեկան երեխաների՝ գրանցված աշխատանք չունեցող ծնողներ
- Օժանդակության ձևը՝ 26.500 դրամի չափով դրամաշնորհի տրամադրում:
- Մանրամասներ և գրանցում՝ Սեղմիր Այստեղ
14-րդ միջոցառում. բարձր առաջադիմություն ունեցող ուսանողներ
- Օժանդակության ձևը՝ 2019-2020 ուսումնական տարվա երկրորդ կիսամյակի ուսման վարձի 100%-ի կամ 75%-ի չափով փոխհատուցում կամ ուսանողական վարկերի տոկոսադրույքի ամբողջական կամ 5 տոկոսային կետով սուբսիդավորում ՝ 2020թ. մայիսի 1-ից մինչև 2020թ. Դեկտեմբերի 31-ն ընկած ժամանակահատվածի համար:
- Մանրամասներ՝ Սեղմիր Այստեղ
15րդ միջոցառում. ծառատունկի աշխատանքներին մասնակցող անձինք
- Օժանդակության ձևը՝ աշխատատեղերի հստեղծում:
- Մանրամասներ՝ Սեղմիր Այստեղ
- Գրանցում՝ դիմել ՀՀ աշխատանքի և սոցիալական հարցերի նախարարություն կամ մարզպետարաններ:
17-րդ միջոցառում. բարձր տեխնոլոգիաների ոլորտի տնտեսվարողներ
- Օժանդակության ձևը՝ նորարարական ծրագրերի և պրոդուկտների համար հայտարարված մրցույթներում հաղթող տնտեսվարողներին տրամադրվող 10.0 մլն., 20.0 մլն. և մինչև 30.0 մլն. դրամի չափով դրամաշնորհներ և համաֆինանսավորում:
- Մանրամասներ՝ Սեղմիր Այստեղ
18-րդ միջոցառում. 2-100 վարձու աշխատակից ունեցող տնտեսվարողներ
- Օժանդակության ձևը՝ ըստ բանաձևի հաշվարկված եկամուտների որոշակի տոկոսի չափով դրամաշնորհի տրամադրում:
- Գրանցում՝ ՀՀ պետական եկամուտների կոմիտեի կողմից հավանական շահառուների անձնական էջին ծանուցում ստանալուց հետո հարկավոր է հաշվետվությունների ներկայացման էլեկտրոնային համակարգում տեղադրված ձևանմուշով էլեկտրոնային եղանակով ներկայացնել դիմում:
- Վերջնաժամկետ՝ 2020թ. հունիսի 10-ը ներառյալ:
- Մանրամասներ՝ Սեղմիր Այստեղ