Ծրագրի ձեռքբերումներներից են.
«Ֆինանսական կրթությունը դպրոցում»Ծրագրի արդյունքում վերապատրաստվել են 1399 հանրակրթական դպրոցների 9560 ուսուցիչ:

Այս տարի նաև իրականացվել է նոր պիլոտային ծրագիր.

2022 թվականի փետրվար-ապրիլ ամիսներին իրականացվել է քոուչինգի պիլոտային ծրագրի ներդնում 10 փորձագետներից ու դասընթացավարներից բաղկացած խմբի հետ։ Վերջիններս ստացել են  Քոուչինգային տեխնիկայի տարրերը դպրոցում ընդգրկելու պատկերացում, գիտելիք ու հմտություններ և իհարկե փորձ։

Ծրագրի ավարտին 10 քոուչները կկարողանան քոուչինգային տեխնիկան ներառել դպրոցական  առօրյային, օգնել ուսուցիչներին ավելի լավ հասկանալ աշակերտներին և անհատական մոտեցմամբ ավելի լավ դասավանդել ինչպես ֆինանսական կրթություն, այնպես էլ ուրիշ առարկաներ: 

Փողի միջազգային շաբաթ 2022Ծրագրի շրջանակներում անցկացվել են մի շարք միջոցառումներ. համագործակցելով ՔՈԱՖ բարեգործական հիմնադրամի հետ իրականացվել են այցելություններ մարզային դպրոցներ, Վիքիմեդիա մրցույթի անցկացում համատեղ Վիքիմեդիա Հայաստան կազմակերպության հետ,  սեմինար հանդիպումներ և պանելային քննարկումների կազմակերպում համալսարաններում, այցելություններ ԿԲ Այցելուների կենտրոն, ֆինանսական տարբեր թեմաներով իրականացված մեդիա արշավ սոցիալական ցանցերում: Ֆինանսական կրթությունը կանանց համար

2021-2025թթ․ առանձնահատուկ ուշադրություն է դարձվելու կանանց ֆինանսական ունակությունների ուժեղացմանը: Նպատակը օգնել նրանց ավելի արդյունավետ կառավարել իրենց ընտանեկան ֆինանսները՝ դրանով իսկ նպաստելով իրենց ընտանիքների բարեկեցությանը։ Մասնակիցներին կտրամադրվի բյուջեի պլանավորման գործիքներ, խնայողություններ կատարելու և ապագա պլանները իրագործելու խորհուրդներ, պարտքի կառավարման և  հնարներ, որ կկարողանան կիրառել առօրյա կյանքում։

Բանկային հաշիվների զարգացման/առաջխաղացման գծով ֆինանսական կրթման ծրագիրԾրագրի շրջանակում խոսվեց ընդհանուր ծրագրի նպատակի մասին, որն է բնակչության կողմից բանկային հաշիվների բացումը և անկանխիկ գործարքների ազատ, հեշտ և ապահով իրականացումը: Ծրագրի շրջանակում իրականացվել է վարքագծային հետազոտություն Տավուշի մարզի Դիլիջան համայնքում: Հետազոտության արդյունքում դուրս են բերվելու տվյալ թեմային առնչվող խնդիրները, որոնց հիման վրա մշակվելու է բանկային հաշիվների առաջխաղացման վերաբերյալ ծրագրի քայլերը:   

Ծրագրի շրջանակում արդեն իսկ իրականացվում է անկանխիկ գործարքների  վերաբերյալ իրազեկման արշավ: Վերջինս իր մեջ ներառում է տեղեկատվական նյութերի հրապարակում abcfinance.am կայքում և համանուն սոցիալական ցանցերում, հարցազրույցների կազմակերպում տվյալ թեմային առնչվող ԿԲ փորձագետների հետ:
E-learning հարթակ

Դավիթ Խառատյանը ներկայացրեց թարմացումները, որոնք կապված են E-learning հարթակի հետ: Հայեցակարգին կից մշակվել էր հարթակի նախնական կառուցվածքը: Նպատակն էր ապահովել ուսուցիչների համար շարունակական կրթությունը, նորությունների մասին տեղեկացումը, ապավել նրանց ավտոմատ սերտիֆիկացումը: 
Ֆինանսական կրթությունը ուսանողների համար

Լուսինե Ներսիսյանը տեղեկացրեց մասնակիցներին «Ֆինանսական կրթությունը ուսանողների համար» նոր նախաձեռնության մասին: 

Համագործակցությունը նախատեսվում է ՀՀ կրթության, գիտության, մշակույթի և սպորտի նախարարության, ՀՀ տարածքային կառավարման և ենթակառուցվածքների նախարարության հետ և ԲՈՒՀ-երի հետ: Հիմնական մասնակիցները լինելու են ԲՈՒՀ-երի ուսանողները, անկախ մասնագիտությունից: Թիրախավորված են լինելու հիմնականում այն ուսանողները, որոնք չեն ուսանում տնտեսագիտություն:

Հայաստանում Ֆինանսական կրթման ծրագիրը  իրականացվում է բազմաթիվ գործընկերների հետ համագործակցությամբ՝ նախարարություններ, ֆինանսական կառույցներ, հասարակական կազմակերպություններ և միջազգային դոնոր ընկերություններ։ Այդ թվում՝ Կրթության, գիտության, մշակույթի եւ սպորտի, Տարածքային կառավարման և ենթակառուցվածքների, Աշխատանքի և սոցիալական հարցերի, Ֆինանսների, Էկոնոմիկայի, Բարձր տեխնոլոգիական արդյունաբերության նախարարություններ, Կրթության տեսչական մարմին, Երևանի քաղաքապետարան, Բանկերի և Վարկային կազմակերպությունների միություններ, Ֆինանսական համակարգի հաշտարարի գրասենյակ, Ավտոապահովագրողների բյուրո, Ավանդների հատուցումը երաշխավորող հիմնադրամ, «Հայաստանի պատանեկան նվաճումներ» ՀԿ, «ԱՅԲ» կրթական հիմնադրամ, «Ժողովրդավարական կրթության հայկական կենտրոն», Գերմանական խնայողական բանկերի հիմնադրամ, «ԱՔՌԱ» վարկային բյուրո, Հայաստանի ֆոնդային բորսա, Կենտրոնական դեպոզիտարիա «ԱՐՔԱ» ազգային վճարային համակարգ, Ֆինանսական շուկայի անդամների ասոցիացիա: