Ֆինանսական կրթում իրականացնող դպրոցների ուսուցիչներին համապատասխան գիտելիքով, ֆինանսական ուսումնական բաղադրիչի ինտեգրման և դասավանդման մեթոդներով զինելու նպատակով ՀՀ կենտրոնական բանկը, ՀՀ Կրթության, գիտության, մշակույթի եւ սպորտի նախարարությունը եւ Խաչատուր Աբովյանի անվան հայկական պետական մանկավարժական համալսարանը համատեղ իրականացնում են վերապատրաստողների և ուսուցիչների վերապատրաստման դասընթացներ: Մեթոդական եւ ֆինանսական վերապատրաստողների վերապատրաստման դասընթացը հաջողությամբ ավարտած 47 առարկայական եւ 29 ֆինանսական թրեյներները իրականացնում են ֆինանսական կրթում իրականացնող դպրոցների ուսուցիչների վերապատրաստումներ Հայաստանի բոլոր մարզերում:
Ծրագրում ընդգրկվում են «Ես և շրջակա աշխարհը», «Հասարակագիտություն», «Մաթեմատիկա» և «Հանրահաշիվ» առարկաների ուսուցիչները, ովքեր ֆինանսական կրթման ինտեգրմամբ դասեր են անցկացնելու 2-րդ 11-րդ դասարանցիների համար։2019թ. ուսուցիչների վերապատրաստման դասընթացը յուրաքանչյուր խմբի համար տեղի է ունենալու երկու փուլով. 1-ին փուլը կանցկացվի օգոստոսի 21-ից սեպտեմբերի 4-ը, 2-րդը՝ հոկտեմբերի 28-ից նոյեմբերի 8-ը: Այս տարի նախատեսվում է վերապատրաստել Երևանի և մարզերի 340 դպրոցի շուրջ 2800 ուսուցչի։
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։