- Հնարավո՞ր է արդյոք, որ ես ունենամ ապահովագրություն, բայց պատահարի դեպքում չստանամ հատուցում։ Ի՞նչ դեպքերում է ապահովագրական ընկերությունը մերժում հատուցման վճարումը։

Ունենալ ապահովագրություն նշանակում է լինել պաշտպանված, սակայն չի նշանակում ստանալ հատուցում ցանկացած իրավիճակում, ցանկացած պայմաններում։

Եթե տեղի է ունեցել պատահար, և դուք դիմել եք ապահովագրական ընկերությանը` հատուցում ստանալու պահանջով, ապա հնարավոր է, որ ձեր հատուցման պահանջը մերժվի, մասնավորապես` հետևյալ դեպքերում`

• Ձեր ապահովագրական վկայագիրը չի ծածկում այն ռիսկերը, որի արդյունքում կրել եք վնասներ (պատահարը, որի հետևանքով դուք վնաս եք կրել, պայմանագրի առարկան չի հանդիսանում):
• Դուք չեք կատարել ձեր ապահովագրական վկայագիր/պոլիսի Ապահովագրողի կողմից տրված փաստաթուղթ, որը հավաստում է ապահովագրության պայմանագրի գոյությունը և պարունակում է դրա պայմանները: պայմաններից որևէ մեկը, օրինակ, ձեր մեքենայի գողության դեպքում դրա մասին չեք հայտնել ոստիկանությանը և այլն:
• Ապահովագրական պատահարն Ապահովագրական պատահարն այն դեպքն է կամ իրադարձությունը, որի տեղի ունենալու դեպքում ապահովագրողը պարտավորվում է ապահովադրին կամ շահառուին տրամադրել ապահովագրական հատուցում: առաջացել է դիտավորությամբ կատարված գործողությունների հետևանքով:
• Ապահովագրական պայմանագիր Ապահովագրության պայմանագիրը կնքված գրավոր համաձայնություն է ապահովագրողի և ապահովադրի միջև, որը սահմանում է նրանց միջև հարաբերությունները ապահովագրության վերաբերյալ: կնքելիս դուք ներկայացրել եք կեղծ տեղեկություններ կամ թաքցրել եք ապահովագրական ռիսկը գնահատելու համար անհրաժեշտ որոշ տեղեկություններ և այլն։

Կախված ապահովագրության տեսակից` կարող են ապահովագրության պայմաններով նախատեսված լինել հատուկ բացառություններ կամ մերժման հիմքեր: Մեքենայի ապահովագրության դեպքում հատուցում չի վճարվում, եթե մեքենայի վարորդը պատահարի պահին եղել է ալկոհոլի ազդեցության տակ։

Ապահովագրական հատուցման մերժման դեպքում ապահովագրական ընկերությունը պարտավոր է կայացնել պատճառաբանված որոշում և այն տրամադրել ձեզ:

Եթե տեղի է ունեցել պատահար, և դուք դիմել եք ապահովագրական ընկերությանը` հատուցում ստանալու պահանջով և հատուցման պահանջը բավարարվում է, սակայն հատուցումն ավելի փոքր է, քան ձեր կրած վնասը։

Գույքի ապահովագրության դեպքում որպես կանոն ապահովագրական ընկերությունը հատուցում է այնքան, որքան կազմել է պատահարի արդյունքում առաջացած վնասը։ Որոշ դեպքերում, սակայն, հատուցման չափը կարող է փոքր լինել վնասի չափից.

• Եթե պայմանագրով նախատեսված է չհատուցվող գումար (ֆրանշիզա)։
• Եթե ապահովագրական գումարը սպառվել է։ Ձեր պայմանագրով կարող է նախատեսված լինել նվազող ապահովագրական գումարի պայման, որի դեպքում եթե պայմանագրի գործողության ընթացքում տեղի է ունենում պատահար և վճարվում է հատուցում, պայմանագրի հետագա գործողության ընթացքում ապահովագրական գումարը նվազում է նախկինում վճարված հատուցումների չափով, և կարող է առաջանալ իրավիճակ, երբ պատահարի արդյունքում առաջացած վնասն ավելի մեծ է, քան (մնացած) ապահովագրական գումարը։

Կարող են նաև լինել իրավիճակներ, երբ ապահովագրական ընկերության վճարած հատուցման գումարը չբավականացնի ձեր գույքի վնասները վերականգնելու փաստացի ծախսերին:  Ֆիզիկական կամ իրավաբանական անձի գործունեության արդյունքում դրամական միջոցների արտահոսք:Եթե վնասվել է ձեր հին մեքենան, ապա վնասված պահեստամասերի համար հատուցման չափը հաշվելիս ապահովագրական ընկերությունը կիրառելու է որոշակի մաշվածություն (քանի որ հատուցում է ձեզ ոչ թե նոր, այլ հին, մաշված պահեստամասի համար), և եթե դուք որոշեք այդ պահեստամասը փոխարինել նորով, հնարավոր է`‍ ստիպված լինեք ավելին ծախսել, քան կհատուցի ապահովագրական ընկերությունը։

Ապահովագրական պայմանագիրը ձեռք բերելիս անպայման մանրամասն ծանոթացե՛ք պատահարի դեպքում վնասի գնահատման պայմաններին և կարգին։ Ապահովագրական ընկերությունը պարտավոր է ձեզ այդ մասին տալ սպառիչ և ամբողջական տեղեկատվություն` պայմանագրում կամ կից ապահովագրության պայմաններում։ Իմացեք նաև ինչ անել եթե ուզում եմ պաշտպանել գույքս պատահարներից: 

Ի՞նչ պետք է հաշվի առնել ապահովագրական պրոդուկտ ընտրելիս։  

Հստակ ձևակերպեք, թե ինչի համար եք ցանկանում ձեռք բերել ապահովագրություն, օրինակ`

• ցանկանում եք ապահովագրել ձեր անշարժ գույքը հրդեհից, գազի պայթյունից և այլ նմանատիպ պատահարներից,
• ցանկանում եք ապահովագրել ձեր առողջությունը,
• ցանկանում եք ապահովագրել ձեր ավտոմեքենան ֆիզիկական վնասից և այլն:

Համեմատություններ կատարելիս ուշադրություն դարձրեք ապահովագրության տրամադրման բոլոր պայմաններին, մասնավորապես պարզեք.

• ապահովագրության ո՞ր տեսակն է ծածկում ձեր կողմից ապահովագրվող ռիսկը,
• որքա՞ն է ապահովագրության ժամկետը,
• ինչպիսի՞ ապահովագրական պատահարի դեպքում ապահովագրական հատուցում կտրվի,
• որո՞նք են բացառությունները և հատուցման վճարումը մերժելու հիմքերը. ի՞նչ հանգամանքների դեպքում հատուցում չի վճարվի (օրինակ` գույքի ապահովագրության դեպքում սովորաբար հատուցում չի վճարվում, եթե ապահովագրված գույքը վնասվել է պատերազմական գործողությունների հետևանքով: Մեքենայի ապահովագրության դեպքում հատուցում չի վճարվում, եթե մեքենայի վարորդը պատահարի պահին եղել է ալկոհոլի ազդեցության տակ և այլն),
• որքա՞ն է ապահովագրական գումարի չափը,
• ինչպիսի՞ն է ապահովագրական գումարի հաշվարկը (վերականգնվող ապահովագրական գումար, թե նվազող ապահովագրական գումար),
• արդյո՞ք կիրառվում է միջին արժեքի պայմանը,
• ի՞նչ կլինի, եթե չվճարեք ապահովագրական պայմանագրով սահմանված հերթական ապահովագրական վճարը,
• կա՞ն արդյոք ապահովագրության հետ կապված այլ վճարներ (օրինակ` գույքի գնահատման վճար), և ծանոթացե՞լ եք արդյոք դրանց ամբողջությամբ։