ՆԱՍԴԱՔ ՕԷՄԷՔՍ Արմենիա ֆոնդային բորսան հայտարարում է ուսանողական ռեֆերատների մրցույթ «Զարգացնենք Հայաստանի կապիտալի շուկան» ընդհանուր թեմայով:
Մրցույթի շրջանակներում ներկայացվող ռեֆերատների թեմաները Մրցույթի մասնակիցները պետք է ներկայացնեն ռեֆերատներ՝ պատասխանելով հետևյալ հարցերից որևէ մեկին.
1. Որո՞նք են Հայաստանի կապիտալի շուկայի զարգացման խնդիրերը և
ինչպե՞ս կարելի է դրանք հաղթահարել:
2. Ի՞նչ կարող են անել շուկայի մասնակիցները Հայաստանի կապիտալի
շուկան զարգացնելու նպատակով:
3. Ի՞նչ քաղաքականություն պետք է վարեն Հայաստանի կապիտալի
շուկան կարգավորող մարմինները՝ շուկան զարգացնելու նպատակով:
4. Ինչպե՞ս կարելի է բարձրացնել բնակչության հետաքրքությունը
Հայաստանի կապիտալի շուկայի նկատմամբ:
5. Ինչպիսի՞ նոր գործիքներ կարող են կիրառվել Հայաստանի կապիտալի
շուկայում:
Մրցույթին կարող են մասնակցել ՀՀ բոլոր ԲՈՒՀ-երի տնտեսագիտական, իրավաբանական և այլ համապատասխան մասնագիտությունների ավարտական կուրսերի ուսանողները:
Յուրաքանչյուր մասնակից կարող է ներկայացնել միայն մեկ ռեֆերատ: Ռեֆերատները պետք է ուղարկվեն համապատասխան դիմումի հետ մինչև 2010թ. դեկտեմբերի 30-ի ժամը 18:00-ն, էլեկտրոնային հասցեին՝ նշելով «Essay Contest» նամակի վերնագրում:
Մրցույթի մրցանակները ներառում են դրամական պարգև, ՆԱՍԴԱՔ ՕԷՄԷՔՍ Արմենիա-ի կողմից տրված պատվոգրեր, ինչպես նաև հրավերք «Բորսայի լավագույն անդամ» մրցանակաբաշխությանը, որտեղ լավագույն ռեֆերատների հեղինակները հնարավորություն կունենան անձամբ ծանոթանալ և կապեր հաստատել Հայաստանի կապիտալի շուկայի մասնակիցների հետ:
Մրցույթին մասնակցելու պայմանների մասին հավելյալ տեղեկատվություն ստանալու և դիմումի ձևը բեռնելու համար խնդրում ենք այցելել www.nasdaqomx.am մեր պաշտոնական ինտերնետային կայքի
«Մրցույթ» էջը: