Ստեղծվել է «ՀՀ-ում ֆինանսական կրթման ազգային ռազմավարության մշակման եւ իրագործման հանձնաժողովը»...
Տեղեկացնում ենք, որ Կենտրոնական բանկի կողմից ստեղծվել է «ՀՀ-ում ֆինանսական կրթման ազգային ռազմավարության մշակման եւ իրագործման հանձնաժողով», որի նպատակը ֆինանսական ոլորտում հանրության գրագիտության մակարդակի բարձրացումը և Հայաստանում հանրության ֆինանսական կրթման շարունակականության ապահովումն է:
Հանձնաժողովը մշակելու է Հայաստանում ֆինանսական կրթման ազգային ռազմավարությունը, պլանավորելու և իրագործելու է ֆինանսական կրթմանն ուղղված միջոցառումներ: Հանձնաժողովի ներքո ստեղծվել են նաև հետևյալ աշխատանքային խմբերը՝ «Ֆինանսական կրթումը դպրոցում» և «Ֆինանսական կրթումը դպրոցից հետո»:
Հաշվի առնելով մշակվելիք ռազմավարության ազգային բնույթը և այն արդյունավետ իրագործելու անհրաժեշտությունը` Հանձնաժողովի կազմում ընդգրկվել են մի շարք պետական կառույցների ներկայացուցիչներ, ֆինանսական շուկայի միություններ, հասարակական կազմակերպություններ և այլն: Հանձնաժողովի անդամ կառույցների ցանկը կարող եք տեսնել այստեղ:
Հանձնաժողովի և վերջինիս աշխատանքային խմբերի աշխատանքներին կարող են մասնակցել նաև այն կամավորները (անհատներ, կազմակերպություններ և այլն), ովքեր հետաքրքրված են ֆինանսական կրթմամբ և Հանձնաժողովի աշխատանքներով: Տեղեկությունների համար դիմել հետևյալ հեռախոսահամարներով՝ 010 592 697;010 592 698:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։