«Ժողովրդավարական կրթության հայկական կենտրոն-ՍԻՎԻՏԱՍ» հասարակական կազմակերպությունը ՀՀ Կենտրոնական բանկի հետ համատեղ 2012 թ. հոկտեմբեր – 2013թ. մայիս ամիսների ընթացքում իրականացնում է «Քաղաքացի նախագիծ» ֆինանսաբանկային հիմնախնդիրների ուսուցման ծրագիրը` ՀՀ Արագածոտնի, Արմավիրի, Արարատի, Կոտայքի մարզերի և Երևանի շուրջ հիսուն դպրոցներում:
Ծրագրի շրջանակներում նախատեսվում է հոկտեմբերի 20-21-ին և նոյեմբերի 24-ին Երևանում կազմակերպել եռօրյա սեմինար, որին կմասնակցեն հանրակրթական միջին և ավագ դպրոցների «Հասարակագիտություն» առարկան դասավանդող ուսուցիչներ: Սեմինարին մասնակցած ուսուցիչները կշարունակեն իրականացնել «Քաղաքացի նախագիծ» ֆինանսաբանկային հիմնախնդիրների ուսուցման ծրագիրն իրենց դպրոցներում մինչև 2013թ մայիս ամիսը:
Ծրագրի իրականացման ընթացքում հիմնականում կօգտագործվեն «Քաղաքացի նախագիծ -համայնքային հիմնախնդիրների ուսուցում» աշակերտի և ուսուցչի ձեռնարկները, ինչպես նաև ՀՀ Կենտրոնական բանկի կողմից թողարկված ուսումնական նյութերը, որոնք համապատասխանում են միջին և ավագ դպրոցների «Հասարակագիտություն» առարկայի ծրագրին և չափորոշիչներին:
Ծրագրին մասնակցության դիմումաձևը կարող եք ներբեռնել civitasarmenia.am կայքից և ուղարկել այն document.write('\x63\x69\x76\x69\x74\x61\x73\x61\x72\x6d\x65\x6e\x69\x61\x40\x67\x6d\x61\x69\x6c\x2e\x63\x6f\x6d')" > էլ. հասցեին «Քաղաքացի նախագիծ» վերտառությամբ:
Ծրագրին դիմելու վերջնաժամկետն է հոկտեմբերի 8–ը, ժամը 18:00
Կարող եք ներբեռնել մասնակցության հայտի ձևը և ծանոթանալ ծրագրի օրակարգին:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։