Մարտի 13-ին ՀՀ կենտրոնական բանկի Դիլիջանի «Գիտելիք
հանուն զարգացման» կենտրոնում եռօրյա սեմինարներով մեկնարկեց ֆինանսատնտեսական հիմնախնդիրների
ուսուցման «Քաղաքացի» նախագիծը: Այն իրականացվում
է 2011թ.-ից սկսած ՀՀ կենտրոնական բանկի և «Ժողովրդավարական կրթության հայկական կենտրոն»-Սիվիտաս
ՀԿ-ի հետ համագործակցության արդյունքում: 2015թ-ի ծրագիրը նախատեսված է Տավուշի մարզի
աշակերտների համար, որոնք կներգրավվեն իրենց համայնքի ֆինանսական հիմնախնդիրների բացահայտման
և լուծման նախագծերում:
Ծրագրի
1-ին փուլին մասնակցեցին Տավուշի մարզի 30 հասարակագիտության ուսուցիչներ, որոնց համար
ՀՀ կենտրոնական բանկի աշխատակիցները իրականացրին
ՀՀ ֆինանսական համակարգի, տարբեր ֆինանսական ծառայությունների, ֆինանսական ոլորտում
սպառողների շահերի պաշտպանության և անձնական ֆինանսների ճիշտ կառավարման մասին սեմինարներ:
Ծրագրի
2-րդ փուլում ուսուցիչները իրենց ձեռք բերած գիտելիքները կփոխանցեն աշակերտներին, նրանց
հետ կընտրեն իրենց համայքնում առկա որևէ ֆինանսական հիմնախնդիր, կկատարեն դրա հետ կապված
համապատասխան հետազոտություններ
Ծրագրի
3-րդ՝ ավարտական փուլը տեղի կունենա Երևանում, որի ընթացքում աշակերտական խմբերը կներկայացնեն
իրենց հետազոտությունների արդյունքները, ինչպես նաև կտան իրենց համայքնային ֆինանսական
հիմնախնդրի լուծման ուղիները:
Հետևեք մեզ ծրագրի նորությունների մասին տեղեկանալու համար:
Հաղորդագրությունից օգտվելու դեպքում հղումը սկզբնաղբյուրին պարտադիր է:
էլ-փոստ.
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։