Մայիսի 13-ից 16-ը «Շուկաներ Մեղրիի համար» (M4M) ծրագրի, ՀՀ Կենտրոնական բանկի և «Հայաստանի ազգային ագրարային համալսարանի» համատեղ նախաձեռնությամբ Մեղրիի տարածաշրջանի աշակերտների համար կազմակերպվեց եռօրյա ճանաչողաուսուցողական այցելություններ և սեմինարներ:
Շրջայցը իրականացվում
էր «Շուկաներ Մեղրիի համար» (M4M) ծրագրի շրջանակում, որի նպատակն է Մեղրիում որակյալ կրթություն ապահովելու միջոցով տարածաշրջանը դարձնել ագրարային ոլորտի աշխատաշուկայի ժամանակակից պահանջներին բավարարող և դինամիկ կենտրոն:
Անձնական ֆինանսների արդյունավետ կառավարման գիտելիքների և ունակությունների զարգացման նպատակով ավելի քան քսան աշակերտներ և ուսուցիչներ շրջայցի ընթացքում այցելեցին ՀՀ Կենտրոնական բանկի այցելուների կենտրոն: Կենտրոնում մասնակիցների համար կազմակերպվեցին սեմինարներ «Հայկական դրամի պատմություն» և «Անձնական ֆինանսների արդյունավետ կառավարում» թեմաներով: Շրջագայության ընթացքում մասնակիցները ունեցան նաև այլ ճանաչողական և ուսուցողական այցեր «Հայաստանի ազգային ագրարային համալսարան», Եղեգնաձորի քաղաքի «Արիդ» կենտրոն և այլ կառույցներ:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։