Ինտենսիվ դասընթացը հաջողությամբ ավարտած մասնակիցները ՀՀ կենտրոնական բանկում աշխատանքի ընդունվելու, կադրային պահուստում ընդգրկվելու հնարավորություն կստանան։
Դասընթացն ընդգրկուն կերպով անդրադառնում է ՀՀ կենտրոնական բանկի բոլոր խնդիրներին, այդ խնդիրների իրագործման նպատակով իրականացվող գործառույթներին, մասնավորապես գների և ֆինանսական կայունության ապահովմանը, դրամավարկային քաղաքականության մշակմանն ու իրականացման գործիքակազմին, ՀՀ ֆինանսական համակարգի կարգավորմանն ու վերահսկողության գործիքներին, ՀՀ արժույթի թողարկմանը, դրամաշրջանառության կազմակերպմանն ու կարգավորմանը, ֆինանսական համակարգում սպառողների իրավունքների և շահերի պաշտպանությանն, ինչպես նաև փողերի լվացման և ահաբեկչության ֆինանսավորման դեմ պայքարի կազմակերպմանն ու կարգավորմանը:
Դասընթացի շրջանակում դասավանդում են ՀՀ կենտրոնական բանկի փորձառու մասնագետները։
Դասընթացի ավարտին համակարգչային թեստերի արդյունքում 70 և բարձր միավոր (100 հնարավորից) ստացած ունկնդիրներին տրվում է հավաստագիր՝ վավերացված ՀՀ կենտրոնական բանկի նախագահի կողմից։ 70-ից ցածր միավոր ստացած ունկնդիրներին տրվում է տեղեկանք՝ դասընթացին մասնակցելու վերաբերյալ։
Դասընթացին դիմելու նախապայման
Բարձրագույն կրթություն՝ պետական և պետական հավատարմագիր ունեցող ԲՈՒՀ-երի շրջանավարտներ և մագիստրատուրայի ուսանողներ:
Անհրաժեշտ, կարվոր հատկանիշներ, գիտելիքներ, հմտություններ*
*Հնարավոր է վերոնշյալ գիտելիքների/հմտությունների ստուգում թեստերի և/կամ հարցազրույցի միջոցով:
Դասընթացի արժեքը
Երկամսյա դասընթացի արժեքը 70.000 ՀՀ դրամ է։
Դասընթացին դիմելու ընթացակարգը
Դասընթացին դիմելու համար անհրաժեշտ է գրանցվել արտաքին դիմորդների համակարգում` https://www.cba.am/am/SitePages/accvacancies.aspx, և լրացնել հարցաթերթիկը, այնուհետև ընտրել «ՀՀ կենտրոնական բանկ. ներածական դասընթաց» ծրագիրը, սեղմել «ԴԻՄԵԼ» կոճակը և լրացնել Դիմումը:
Արտաքին դիմորդների համակարգում մեկ անգամ գրանցված անձինք կարող են մուտք գործել համակարգ և լրացնել միայն Դիմումը:
դիմելու վերջնաժամկետը
Դասընթացին դիմելու վերջնաժամկետն է 2018թ. հունիսի 29-ը:
Լրացուցիչ տեղեկություններ
Լրացուցիչ տեղեկությունների և պարզաբանումների համար կարող եք զանգահարել ՀՀ ԿԲ Անձնակազմի կառավարման վարչություն (+37410) 59 26 34 հեռախոսահամարով: Հաղորդագրությունից օգտվելու դեպքում հղումը www.abcfinance.am պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։