ՎԱՐԿԱՅԻՆ ՀԱՇՎԻՉ
ԱՎԱՆԴԱՅԻՆ ՀԱՇՎԻՉ
ԿԵՆՍԱԹՈՇԱԿԱՅԻՆ ՀԱՇՎԻՉ
ԱՇԽԱՏԱՎԱՐՁԻ ՀԱՇՎԻՉ
Վարկի գումար
Տարեկան տոկոսադրույք
Վարկի ժամկետ ամիսներով
Ավանդի գումար
Տարեկան տոկոսադրույք
Ավանդի ժամկետ ամիսներով
Համակարգին միանալու տարեթիվ
Ծննդյան տարեթիվ
Աշխատավարձ
Գրանցված աշխատավարձ
Եկամտային հարկ
Կենսաթոշակային վճար
Շատացել են ֆինանսական միջնորդների կողմից խարդախության դեպքերը:
Վերջերս սպառողները, չլինելով բավարար իրազեկված կամ լինելով կարիքի մեջ (վատ վարկային պատմություն, ֆինանսական վատ վիճակ), ինչպես նաև գայթակղվելով փողոցներում, կանգառներում և այլ վայրերում հանդիպող վարկային «հրապուրիչ առաջարկներով», հաճախ դիմում են ֆինանսական միջնորդների: Ո՞վքեր են նրանք, ինչպե՞ս են նրանք գործում, ի՞նչ են առաջարկում, մանրամասն այս նյութում: 
Վերջերս սպառողները, չլինելով բավարար իրազեկված կամ լինելով կարիքի մեջ (վատ վարկային պատմություն, ֆինանսական վատ վիճակ), ինչպես նաև գայթակղվելով փողոցներում, կանգառներում և այլ վայրերում հանդիպող վարկային «հրապուրիչ առաջարկներով», հաճախ դիմում են ֆինանսական միջնորդների:

Ո՞վքեր են միջնորդները:Ձեր անունից վարկ վերցնող, վարկային դիմում-հայտ լրացնող, ֆինանսական խորհրդատվություն տրամադրող կազմակերպություններ կամ անհատներ: Իրենք ձեզ կարող են մոտենալ այսպիսի առաջարկներով՝ «բանկում ծանոթ ունեմ, կարամ վարկ դասավորեմ», «սև ցուցակից կարամ հանեմ», «վարկ վերցնենք գրավով, փողը վերցնենք բանկին գցենք», «քո անունով վարկ դասավորենք, դու պրոբլեմ չես ունենա» և նմանատիպ այլ արտահայտություններով:

Ինչու՞ զգուշանալ միջնորդներից

  • Շահերը պաշտպանված չեն: Իրենք լիցենզավորված չեն և չեն վերահսկվում Կենտրոնական բանկի կողմից, հետևաբար ձեր շահերը չեն կարող պաշտպանվել դժգոհությունների դեպքում:
  • Վաշխառուական գներ: Հաճախ բարձր գումարներ են վերցնում ծառայությունների համար (օրինակ ստացված վարկի 50%-ը):
  • Ձեր անունից կեղծ գործարքներ: Պահանջում են մանրամասն տեղեկատվություն ձեր և ձեր ընտանիքի անդամների մասին, որը հետագայում կարող են օգտագործել ձեր իսկ դեմ, ձեր կամ ձեր ընտանիքի անդամների անունից վարկ վերցնելով, երաշխավորող դառնալով և այլն: 
  • Վարկի չտրամադրում: Ձեր անունից կարող են վերցնել վարկ և ձեզ չտրամադրել այն, օգտագործելով սեփական նպատակների համար:
  • Սխալ խորհրդատվություն: Ձեզ կարող են տրամադրել սխալ կամ ձեզ համար ոչ ձեռնտու խորհրդատվություն, որի պատճառով դուք կարող եք սխալ ֆինանսական որոշում կայացնել (օրինակ՝ բարձր փաստացի տոկոսադրույքով վարկ վերցնել): 
  • Չլիցենզավորված գործունեություն: Հանդես գալ որպես լիցենզավորված կազմակերպություն և վարկ առաջարկել:

Մի քանի պահ կա, որ պետք է իմանալ՝

  • «Ծանոթ» պետք չի վարկ վերցնելու համար: Բանկերը և վարկային կազմակերպությունները վարկ տալու որոշումները կայացնում են ձեր վարկունակության հիման վրա, ծանոթները այստեղ դեր չունեն: Ինքնուրույն դիմեք վարկատու կազմակերպություններին, իսկ մինչ այդ համեմատեք վարկերը www.fininfo.am ֆինանսական տեղեկատուի միջոցով:
  • «Սև ցուցակ» կոչվածը ոչ ոք չի կարող մաքրել: Վարկային պատմությունը կամ, ժողովրդական լեզվով «սև ցուցակը», ձևավորվում է միայն ձեր վարկային գործողությունների հիման վրա: Ավելի վարկային պատմության բարելավման մասին:
  • Վարկը ձեր վրա է մնալու: Վարկը փակողը պայմանագրում ստորագրողն է, իսկ վարկի չափը պայմանագրում նշված գումարն է, անկախ թե միջնորդը ինչ է ձեզ խոստացել կամ որքան գումար է ձեզ տվել: Վարկը չմարելու դեպքում վատանալու է ձեր վարկային պատմությունը:
  • Գրավը չի նշանակում վարկի ավտոմատ մարում: Վարկի չմարումը չի նշանակում, որ վարկը փակվում է ավտոմատ գրավի հաշվին: Վարկը չմարելու դեպքում վարկատու կազմակերպությունը ծանուցում է վարկառուին և տալիս է ժամանակ: Հիշեք, որ սկսում են կուտակվել տույժեր և տուգանքները: Եթե այդ ժամանակում վարկը չի մարվում, կազմակերպությունը դատական կամ արտադատական ձևով (կախված թե պայմանագրում ինչ է նշված) սկսում է գրավի բռնագանձման և իրացման գործընթացը: Եթե գրավի իրացումից ստացված գումարը չի բավարարում վարկի հետ կապված պարտավորությունների մարմանը, ապա կազմակերպությունը իրավունք ունի դատարանի միջոցով պահանջել չբավարարող մասը:

Ի՞նչ անել, եթե ֆինանսական միջնորդի զոհ եք դարձել:

  • Դիմեք իրավապահ մարմիններին: Քանի, որ այդ կազմակերպությունները լիցենզավորված չեն Կենտրոնական բանկի կողմից, ցավոք մենք չենք կարող պաշտպանել ձեր շահերը:

Ի՞նչպես ճշտեմ կազմակերպության լիցենզավորված լինելը:

Հայաստանում վարկ կարող են տրամադրել բանկերը, վարկային կազմակերպությունները և գրավատները: Լիցենզավորված վարկատու կազմակերպությունների ցանկը տեղադրված է Կենտրոնական բանկի կայքում: Օրենքի համաձայն, բացի Կենտրոնական բանկի կողմից լիցենզավորված կազմակերպություններից, այլ անձինք որպես գործունեություն չեն կարող տրամադրել վարկեր: 

Ձեզ կհետաքրքրի նաև

  1. Ամենակարևորը վարկային պատմության մասին
  2. Ինչ անել, եթե խնդրել են երաշխավոր դառնալ
  3. Ցանկանում եմ վարկ վերցնել, ինչ անել
  4. Հաշվարկել ձեր վարկը Վարկային հաշվիչով
  5. Արագ և անվճար գտնել ձեզ ամենահարմար վարկը

Նյութից օգտվելու դեպքում հղումը www.abcfinance.am պարտադիր է:

Բաժանորդագրվեք
մեր լրահոսին և բաց մի թողեք կարևոր նորությունները`
Հետևեք մեզ նաև սոց. ցանցերում և RSS-ի միջոցով`
ԹԱՐՄ Նորություններ
խնդրում ենք պտտել ձեր սարքը
Կամավորների գրանցում

ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։

Սխալ մուտքագրում
Սխալ մուտքագրում
Սխալ մուտքագրում
Սխալ փոստային հասցե
Սխալ էլ․ հասցե
MOBILE_ERROR
Շաբաթական
օր
Օրական
ժամ
Նշեք ինչպիսի աշխատանքների եք ցանկանում մասնակցել
CV is not attachedAttached file size can't be more than 1MB
Վերբեռնել
Կցեք ձեր նկարը
Մոռացել ե՞ք գաղտնաբառը
Ունեք ձեր անձնական էջը, Մուտք գործեք
Տվյալ հղումը ակտիվ չէ
իմ էջի գրանցում
Ունեք ձեր անձնական էջը, Մուտք գործեք
Սխալ մուտքագրում
Սխալ մուտքագրում
BIRTHDATE_ERROR
Սխալ մուտքագրում
Սխալ փոստային հասցե
Սխալ էլ․ հասցե
Սխալ հեռախոսահամար
Սխալ գաղտնաբառ
Սխալ գաղտնաբառ
Գրանցումը Ձեզ կտա հետԵՎյալ ընդլայնված հնարավորությունները
Կկատարեք հաշվարկներ հաշվիչներով և կպահպանեք արդյունքները
24
Կկառավարեք Ձեր անձնական բյուջեն 24 ժամ
Կգրանցվեք և կմասնակցեք տարբեր միջոցառումների
Կտեղեկանաք նոր միջոցառումների մասին
Կպահպանեք նյութեր, որոնք կօգտագործեք կյանքի տարբեր իրավիճակներում