Վճարային քարտը պետք է լինի Ձեր կենսակերպին համապատասխան։
Այսօր բանկերի կողմից առաջարկվող վճարային քարտերն այնքան տարբեր են, որ բոլորին ծանոթանալու համար երկար ժամանակ կպահանջվի։
Կենտրոնական բանկը մշակել է fininfo.am կայքը, որտեղ բոլոր բանկերի վճարային քարտերը ներկայացված են մեկ հարթակում։
Կայքը հարմար է, քանի որ կարող եք Ձեր ցանկությամբ ֆիլտրել առաջարկները՝ թողնելով Ձեզ ամենահամապատասխանը։ Օրինակ՝ ընտրել արժույթ, քարտը լինի տեղակա՞ն, թե՞ միջազգային, վարկային գիծ ունենա՞, թե՞ ոչ, իսկ եթե ուսանող եք, ապա քարտեր կան ուսանողների համար։ Ընտրում եք այն չափանիշները, որոնք Ձեզ համար կարևոր են, և կայքը առաջարկում է լավագույն տարբերակները։ Մկնիկի մի քանի սեղմումով և ընդամենը մի քանի րոպեում կարող եք կողմնորոշվել, թե ինչ քարտ է Ձեզ հարկավոր։
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։