Համացանցում և էլեկտրոնային փոստով, ինչու չէ նաև «իրական» կյանքում այսօր հաճախ են հանդիպում տարբեր տեսակի ֆինանսական խաբեություններ ու խարդախություններ, որոնք անփորձ մարդկանց խոստանում են լուրջ շահումներ կամ եկամուտներ` առաջին հայացքից ոչնչի դիմաց, իսկ «երկրորդ հայացքից», օրինակ, մի համեստ վճարի կամ բանկային քարտի տվյալները տրամադրելու դիմաց։ Ֆինանսական զեղծարարությունների նպատակն է հափշտակել գումար անձնական տվյալներ կորզելու միջոցով։Ֆինանսական խարդախությունները կոնկրետ անձին ուղղված գործողություններ են՝ նրան ֆինանսապես վնասելու, գումար կորզելու նպատակով։Այս բաժնում ներկայացված են ֆինանսական զեղծարարությունների և խարդախությունների ամենատարածված տեսակները և դրանցից խուսափելու կանոնները:Զեղծարարությունների և խարդախությունների օրինակները բազմաթիվ ու բազմազան են, իսկ դրանք ծնող զեղծարարների «ստեղծագործ» միտքը երբեք կանգ չի առնում։ Ուստի բոլոր հնարավոր իրավիճակները նկարագրել և աչքի առաջ ունենալ հնարավոր չէ: Այնուամենայնիվ, ներկայացնենք մի քանիսը:
ՖիշինգԷլեկտրոնային նամակով ձեզ է դիմում հեռավոր երկրի որևէ փաստաբան և առաջարկում ձեր հաշվին փոխանցել վերջերս մահացած իր անժառանգ հաճախորդներից մեկի ունեցած մեծ գումարները։
Ընթացքում պարզվում է, որ գործարքը կատարելու համար դուք պետք է նախ վճարեք մի քանի հարյուր դոլարի չափով գումար (բայց ի՞նչ է մի քանի հարյուր դոլարը` մի քանի միլիոն ստանալու դիմաց…)։
Օրինակ՝ «Էքսկլյուզիվ» ժամացույցներ առաջարկող ինտերնետ-խանութը առաջարկում է գնել միանգամից տասը ժամացույց և դառնալ վաճառքի գործակալ` ներգրավելով նոր հաճախորդներ և վաստակելով գործակալական միջնորդավճար։ Պատվիրված ժամացույցները, սակայն, այդպես էլ չեն ստացվում կամ ստացվում են հասարակ ժամացույցներ` կայքում գնահատված գնից մի քանի անգամ ավելի էժան և բոլորովին ոչ «էքսկլյուզիվ»:Հեռախոսային զեղծարարություն
Ինտերնետային զեղծարարությունՈրևէ կայք այցելելիս կայքը ձեզ «ուրախությամբ հայտնում է», որ դուք հարյուր հազարերորդ այցելուն եք, և ունեք մեծ նվեր. միայն պետք է գրանցվել և տրամադրել ձեր բանկային քարտի տվյալները։
Նվերն այդպես էլ չի ստացվում, իսկ քարտային հաշվից անհասկանալի գումարներ են գանձվում անհայտ անձանց կողմից։
Վիճակախաղային զեղծարարությունՁեզ հայտնում են, որ դուք հեռավոր մի երկրի պետական վիճակախաղի խոշոր շահող եք։ Բայց հարկավոր է նախ վճարել շահման եկամտահարկը։
Հենց վճարում եք եկամտահարկը, լավ լուրը ձեզ հայտնողն էլ, վիճակախաղն էլ, շահումն էլ… հօդս են ցնդում։Ձեզ կհետաքրքրի նաև
Նյութից օգտվելու դեպքում հղումը www.abcfinance.am պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։